影片
更多
2024-10-27
888 瀏覽
吔咩嗲 吔嘢事無所自從佢哋搬咗去荃灣之後，一直都想抽時間去呢間小店，呢間小店叫「吔咩嗲 吔嘢事無所」，小店門口無一級，好適合輪椅人士入去食野支持小店，我最鍾意個甜品名，叫「油治及輕忌廉伴芭菲及雪糕」，見返老朋友就諗返起以前返工點樣埋頭苦幹做野，同老闆娘傾傾下計竟然記得我，我哋互相都抄咗對方個牌，有咩野都可以線上見，哈哈！2款熱菜+2款冷菜（$124）1.和風黑松露烏賊寶（9/10）入面嘅墨魚非常彈牙，食食下口腔仲會散發出淡淡黑松露味，旁邊仲有沙律醬可以點嚟食，沙律醬入面都有黑松露，幾好食！2.秘製Masala雞（9/10）雞肉肉質鮮嫩，仲用咗多種香料製成嘅醬汁，加埋有粟米粒食落去甜甜地！3.左口魚秋葵伴柚子醋櫻花蝦（+$20）（9.5/10）超欣賞呢碟菜式，平時見到秋葵一定唔揀佢，秋葵平時咬落好似食緊鼻涕咁，但呢度嘅秋葵滑潺潺感覺無咗，原來秋葵切一粒粒好味好多，再加埋入面有左口魚嘅魚油香，上面仲鋪滿咗櫻花蝦，令到呢碟菜式鮮味十足，唔鍾意食秋葵嘅你快d過嚟試下啦，真係好掂！4.南瓜沙律配蘋果青瓜堅果（8.5/10）南瓜蓉非常多，食落好香，配埋蘋果青瓜堅果更有口感，唔錯！5.大馬士革綠茶（
自從佢哋搬咗去荃灣之後，一直都想抽時間去呢間小店，呢間小店叫「吔咩嗲 吔嘢事無所」，小店門口無一級，好適合輪椅人士入去食野支持小店，我最鍾意個甜品名，叫「油治及輕忌廉伴芭菲及雪糕」，見返老朋友就諗返起以前返工點樣埋頭苦幹做野，同老闆娘傾傾下計竟然記得我，我哋互相都抄咗對方個牌，有咩野都可以線上見，哈哈！
2款熱菜+2款冷菜（$124）
1.和風黑松露烏賊寶（9/10）
入面嘅墨魚非常彈牙，食食下口腔仲會散發出淡淡黑松露味，旁邊仲有沙律醬可以點嚟食，沙律醬入面都有黑松露，幾好食！
2.秘製Masala雞（9/10）
雞肉肉質鮮嫩，仲用咗多種香料製成嘅醬汁，加埋有粟米粒食落去甜甜地！
3.左口魚秋葵伴柚子醋櫻花蝦（+$20）（9.5/10）
超欣賞呢碟菜式，平時見到秋葵一定唔揀佢，秋葵平時咬落好似食緊鼻涕咁，但呢度嘅秋葵滑潺潺感覺無咗，原來秋葵切一粒粒好味好多，再加埋入面有左口魚嘅魚油香，上面仲鋪滿咗櫻花蝦，令到呢碟菜式鮮味十足，唔鍾意食秋葵嘅你快d過嚟試下啦，真係好掂！
4.南瓜沙律配蘋果青瓜堅果（8.5/10）
南瓜蓉非常多，食落好香，配埋蘋果青瓜堅果更有口感，唔錯！
5.大馬士革綠茶（凍）（10/10）
綠茶味香濃，好飲！
最後仲有一碗珍珠米嘅飯同一碗雜菜忌廉湯！
6.油治及輕忌廉伴芭菲及雪糕套餐（栗子鮮奶麻薯+綠茶雪糕）$106（10/10）
呢個甜品老闆娘介紹我食栗子鮮奶麻薯，我好榮幸做到第一位食栗子鮮奶麻薯味，淡淡栗子味，炸麵包入面仲加咗麻薯，麻薯仲可以拉到少少絲，不過好快就斷咗，炸麵包唔油，之後再食忌廉伴芭菲，芭菲杯入面除咗有焦糖香蕉之外，仲有好多水果，例如有藍莓、提子同士多啤梨等，最底層就係忌廉，最後再食埋綠茶雪糕，綠茶味好香濃，雪糕仲係香港製造添，食得更放心！
2人總共價錢$230
個人口味總評分：9.33/10
@outoftheblue.hongkong @maphk2021
地址：荃灣鱟地坊42號𧙗強樓地舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#吔咩嗲吔嘢事無所 #荃灣好去處 #荃灣 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
張貼
