越男仔 (已結業)

發現了這間荃灣高質越南餐廳 推介比大家鎮店四鳥 配椰汁酸湯檬粉 $88四鳥即係 有脆雞皮+手撕雞+滑雞件+香脆雞$88超多配菜，炸雞皮超級大塊食落香口，如果怕油膩可以配埋酸辣汁一齊食層次更豐富。手撕雞比較碎，好似肉碎咁同檬粉一齊食幾特別，滑雞件無論係皮定係肉都超級嫩，而且非常入味。但係小編都係最鍾意食香脆雞，因為出邊酥脆入邊鎖到肉汁食落超級Juicy!招牌軟殼蟹配黃薑飯 $129跟餐可以揀4選2小食揀 牙車快沙律 or 無骨黑糖鳳爪沙律椒鹽脆蛋魚柳 or 手撕雞檬紙卷而小編就揀咗沙律同埋魚柳，一上碟黃薑飯嘅氣味撲面而來，軟殼蟹算係幾大隻，上邊就鋪滿炸蒜，好似食緊避風塘軟殼蟹咁，配埋黃薑飯食幾特別。沙律同魚柳嘅份量都算好多就算係一個男仔食都冇問題絕對夠飽，魚柳煎得香脆。皇牌拼盤 跟餐$84 正價$97有越式素春卷、酸辣無骨鳳爪、蒜香牛油脆雞翼呢個小食拼盤入邊小編最鍾意食春卷，因為份量口感十足，粉絲紅蘿蔔食落好有口感，配埋佢跟餐嘅特製醬汁簡直一百分。