上海姥姥 (已結業)

見到openrice提示新開了一間上海菜，阿豬就緊係快快黎試下酸辣湯拉麵啦！已是下午2點幾，都仲好多人等緊位，等左成15分鐘。坐下立即奉上茶，是綠茶來的，沒一般上海菜的濃茶那麼濃，但同樣可解膩。阿豬立即點左一碗酸辣湯拉麵。酸辣湯較濃稠，材料十足，有木耳、鮮筍、豆腐，肉絲，香菇等。肉絲是先走過油的，更加香口。拉麵是師傅手拉的，麵條柔韌且有彈性，也較幼身索味，放在酸辣湯上，份量十足！酸辣湯酸辣程度不算很高，但兩者調配得剛剛好，如再辣一些應該更刺激味蕾。小籠包一籠四隻，剛蒸起仲有熱氣。小籠包皮非常薄，幾乎可看到內涵，夾起也不易穿，抵讚！沾少許醋，咬開湯汁十足，味鮮甜，實在值得推介。