Pancake House HoiHoi (荃新天地) (已結業)

之前去過megabox分店食過覺得唔錯！所以今次相約朋友仔黎荃灣分店try try。荃灣門口裝修有沖浪板、椰子樹，整體感覺好有夏威夷feel。我同朋友望左一眼個menu就決定嗌番個期間限定的戀人系列，因為佢地既pancake真系好軟熟同好味。 ⦁名古屋鐵板意粉 $98鐵板上有一層薄薄既蛋皮，而蛋皮上面放了大海蝦、香腸片同意粉。海蝦爽口鮮甜，重點餐廳幫手去埋殼👍🏻。佢地蕃茄醬汁係甜甜地果種，酸酸甜甜非常開胃。 ⦁夏天威夷到（南瓜梳乎厘班戟） $148班戟上面插左日本鳥居⛩️同一對戀人既小牌，非常可愛。濃濃既南瓜味，口感綿滑不甜，souffle pancake空氣感十足，最重要成個pancake係暖笠笠。超級好食！😋 ⦁Blue（荔枝玫瑰梳打） $68飲品顏色好靚，杯邊沾滿一圈砂糖，再用一片檸檬點綴。而味道荔枝比玫瑰味更加出。亦可同【夏天威夷到】合併做套餐，套餐仲會附送戀人限定玻璃杯。 ⦁日朗（岩鹽焦糖咖啡）$58月遙同日朗尼對小情侶，分別印上咖啡上面，同樣是岩鹽咖啡。月遙係桂花口味，而日朗就係焦糖口味。就算係焦糖口味都唔會太甜，奶泡做到非常綿滑，口感一流。