Lucy's Cup (已結業)

Lucy’s Cup🍹🧉｜荃灣 良心茶飲小店 特色椰子奶蓋 夏日清涼好選擇｜🙈我地係附近掃街，真係食左好多野，係豪大大附近，見到一間新既茶飲小店，裝修好少女，仲有好多打卡位，佢地都有好多飲品選擇，例如奶蓋，水果茶，沙冰，純茶等等☺️今次我地總共試左3杯，每杯都有佢地既特色，佢地大杯裝真係超級大杯，所以我地都係叫左M size☁️藍天白雲 （益力多乳酸沙冰）打卡一流，不過可惜我影得太耐，佢既漸變層已經唔係太出。整體甜度適中，我地叫左少甜，建議大家都可以點少甜。益力多味道好重，好開胃，夏天飲真係一流！🍓🍍菠蘿草莓moremore茶 佢地既水果茶都唔錯，佢地唔似其他水果茶，雖然入面好多片水果，但基本上其實大家都唔會食，或者其實都好難咬。但佢地既水果茶，下面已經有好多水果粒粒，一用飲管吸就食到啦。甜度方面都係叫左少甜，咁就岩岩好啦。另外我加左椰子奶蓋，雖然佢比起傳統奶蓋融得快少少，但整體感覺好輕盈，好重椰子味，同水果味都好夾，令我覺得好驚喜。🌹玫瑰荔枝茶尼杯我地叫左微甜，可以飲到佢地既茶底味。茶味濃度正常，有淡淡既玫瑰同荔枝味，都幾清新，岩曬夏天鍾意飲清新少糖既朋友仔。