東海堂 (已結業)

各位士多啤梨控注意! 東海堂又有出士多啤梨蛋糕系列。之前食過北海道3.6牛乳蛋白批，可惜唔係新鮮出爐，唔係太好食，食完仲覺口渴。今次買咗件沖繩黑糖栗子撻面頭有好香的栗子蓉，撻的邊微腍，底部都算脆。依家買任何產品加15蚊就可以換購大福或者布丁 。我就買咗九州赤莓大福。咬開入面係有4層，第1層係白色的粉，第2層係士多啤梨味慕絲，但味道唔太甜，第3層係一粒士多啤梨，但士多啤梨有點爛，唔太新鮮，最底嗰層係一層好乾的蛋糕，唔軟錦錦。