Godiva Chocolatier (海港城) (已搬遷) 新店位置

最近係網上已見到Godiva出咗新口味草莓味軟雪糕，適逢海港城做緊優惠券活動，就應朋友約去覓食，其中一間就食Godiva嘅雪糕啦！平時$50嘅軟雪糕，用優惠券後每人只需$25，真係飯後甜品嘅好選擇！草莓味雪糕早前已係其他國家有售，今次嚟到香港真係令我十分期待！外表粉粉嫩嫩嘅顏色，連個cone都變身成為粉紅色嘅莓乾圍邊，置頂仲有撒上粉色嘅粉末，真係太少女心了！食落更係滿滿嘅草莓味，果味都幾強，配埋圍邊莓乾味道更有層次又豐富了！Cone嘅質感依舊咁脆，同軟雪糕柔軟嘅口感形成對比！愛草莓嘅可以一試，平時食開朱古力味食到寡都可以轉轉口味，試下呢個草莓帶來嘅甜蜜滋味！