影片
更多
2019-02-21
166 瀏覽
做完野想去Tea，諗唔到食乜好嘅時候，一出地鐵站就見到呢間鋪，跟住上OpenRice睇吓啲人話佢哋嘅西瓜蛋糕好食就膽粗粗去試啦！我哋叫咗個蛋糕set, 一set有四款蛋糕可選擇,仲有兩杯嘢飲個價錢都係$248！真係好抵食㗎!初初感覺一件蛋糕$65有啲貴但當蛋糕上到枱時，個賣相已經相當討好,食一啖嘅時候就更加之覺得物超所值真係好好好好味! 我哋叫咗三款蛋糕第一款係草莓西瓜味，第二款係玫瑰荔枝味,第三款係香蕉朱古力。先講講第一款草莓西瓜味真係不得了好清新嘅感覺又唔會太甜，有塊西瓜肉在蛋糕中間，配上士多啤梨慕絲非常好味，一定要試!第二款玫瑰荔枝味每一層都有荔枝果肉，仲有淡淡的玫瑰香味，唔太甜唔太淡，值得一試！第三款係香蕉朱古力味，佢夾雜左啲香蕉肉係入面，而我就覺得有少少甜但如果你喜愛朱古力嘅朋友就一定唔好放過啦！輪到兩杯嘢飲一杯係牛油果奶昔，另一杯叫咗一支紅桑莓汁，牛油果奶昔真係冇得輸非常香滑，紅桑莓汁酸酸甜甜好醒胃!值得一提嘅係我見到隔離枱啲意粉，色香味俱全，下次一定要試！最後就講講環境，呢度非常舒服，有一種好relax嘅感覺，侍應哥哥亦好有禮貌，真心覺得呢到正！
我哋叫咗個蛋糕set, 一set有四款蛋糕可選擇,仲有兩杯嘢飲個價錢都係$248！真係好抵食㗎!
初初感覺一件蛋糕$65有啲貴但當蛋糕上到枱時，個賣相已經相當討好,食一啖嘅時候就更加之覺得物超所值真係好好好好味!
我哋叫咗三款蛋糕第一款係草莓西瓜味，第二款係玫瑰荔枝味,第三款係香蕉朱古力。先講講第一款草莓西瓜味真係不得了好清新嘅感覺又唔會太甜，有塊西瓜肉在蛋糕中間，配上士多啤梨慕絲非常好味，一定要試!
第二款玫瑰荔枝味每一層都有荔枝果肉，仲有淡淡的玫瑰香味，唔太甜唔太淡，值得一試！
第三款係香蕉朱古力味，佢夾雜左啲香蕉肉係入面，而我就覺得有少少甜但如果你喜愛朱古力嘅朋友就一定唔好放過啦！
輪到兩杯嘢飲一杯係牛油果奶昔，另一杯叫咗一支紅桑莓汁，牛油果奶昔真係冇得輸非常香滑，紅桑莓汁酸酸甜甜好醒胃!
值得一提嘅係我見到隔離枱啲意粉，色香味俱全，下次一定要試！最後就講講環境，呢度非常舒服，有一種好relax嘅感覺，侍應哥哥亦好有禮貌，真心覺得呢到正！
蛋糕套餐
14 瀏覽
0 讚好
0 留言
草莓西瓜蛋糕
20 瀏覽
0 讚好
0 留言
玫瑰荔枝蛋糕
19 瀏覽
0 讚好
0 留言
香蕉朱古力蛋糕
22 瀏覽
0 讚好
0 留言
牛油果奶昔
18 瀏覽
0 讚好
0 留言
紅桑莓汁
18 瀏覽
0 讚好
0 留言
張貼
