影片
更多
2019-01-22
568 瀏覽
今日同朋友去The One睇戲，買完飛距離入場仲有成2個鐘，於是就黎high 個tea，搵個地方坐下傾陣計，再上去。LIFETASTIC 個「草莓西瓜蛋糕」好出名，其實都想試好耐，黎到望到門口個排蛋糕咁精緻，真係吸引死人，更加要試呀！蛋糕款式多，全部gluten free，用打碎杏仁粉代替麵粉，比較健康。係唔知揀邊款嘅時候，比我地發現左佢有個Cake Set for Two($248)，可以揀四款蛋糕同兩杯飲品，價錢仲好吸引，緊係叫佢啦，試多款呀嘛！我地一人點左各一件草莓西瓜蛋糕，再加一件栗子蛋糕同芒果熱情果蛋糕。黎到賣相吸引，當然相機食先啦。 「草莓西瓜蛋糕」頂層係一層士多啤梨啫喱，鋪滿玫瑰花瓣，甜甜地，花香味重。中間夾層係杏仁碎加上香甜嘅玫瑰cream，再配上厚厚西瓜，呢個組合好特別，清新香甜。口感食落有西瓜嘅爽，又有蛋糕軟軟感覺，好豐富。同埋西瓜好甜，職員話係馬來西亞西瓜，先保持到一年四季都咁好質素，難怪可以成為餐廳主打。「栗子蛋糕」簡簡單單，由栗子蓉、鮮忌廉同杏仁組成。同西瓜蛋糕相比，呢口感就黎得比較creamy。栗子蓉打得好滑，唔會過甜，中間夾有原粒栗子，口感有軟有硬，比較豐
今日同朋友去The One睇戲，買完飛距離入場仲有成2個鐘，於是就黎high 個tea，搵個地方坐下傾陣計，再上去。LIFETASTIC 個「草莓西瓜蛋糕」好出名，其實都想試好耐，黎到望到門口個排蛋糕咁精緻，真係吸引死人，更加要試呀！
蛋糕款式多，全部gluten free，用打碎杏仁粉代替麵粉，比較健康。係唔知揀邊款嘅時候，比我地發現左佢有個Cake Set for Two($248)，可以揀四款蛋糕同兩杯飲品，價錢仲好吸引，緊係叫佢啦，試多款呀嘛！
我地一人點左各一件草莓西瓜蛋糕，再加一件栗子蛋糕同芒果熱情果蛋糕。黎到賣相吸引，當然相機食先啦。
草莓西瓜蛋糕
20 瀏覽
0 讚好
0 留言
「草莓西瓜蛋糕」
頂層係一層士多啤梨啫喱，鋪滿玫瑰花瓣，甜甜地，花香味重。中間夾層係杏仁碎加上香甜嘅玫瑰cream，再配上厚厚西瓜，呢個組合好特別，清新香甜。口感食落有西瓜嘅爽，又有蛋糕軟軟感覺，好豐富。同埋西瓜好甜，職員話係馬來西亞西瓜，先保持到一年四季都咁好質素，難怪可以成為餐廳主打。
栗子蛋糕
76 瀏覽
0 讚好
0 留言
「栗子蛋糕」
簡簡單單，由栗子蓉、鮮忌廉同杏仁組成。同西瓜蛋糕相比，呢口感就黎得比較creamy。栗子蓉打得好滑，唔會過甜，中間夾有原粒栗子，口感有軟有硬，比較豐富，唔想食太甜嘅朋友好適合。
芒果熱情果蛋糕
32 瀏覽
0 讚好
0 留言
「芒果熱情果蛋糕」
因為朋友係芒果控，所以點左呢款蛋糕，本以為佢會好甜，估唔到熱情果夾層嘅微酸，又配搭得幾恰當，有熱帶風情嘅感覺，非常滋味。
英倫伯爵茶
20 瀏覽
0 讚好
0 留言
最後我地點左「EARL GREY 英倫伯爵茶」，淡淡清香，同蛋糕好夾，一齊食更能突顯蛋糕的美，亦能解解甜膩。
總括而言，呢個tea set 只係單點2件蛋糕同2杯飲品嘅價錢，但就足足有4件蛋糕，性價比高，2個人high tea 岩晒呀。環境亦坐得好舒服，可以係度優閒咁輕輕過個下午，慢慢享受。
張貼
