民園麵家 (已結業)

明知民園的雲吞麵﹐牛腩撈﹐油菜﹐都並唔係好出色﹐而且明知今日人流逼爆﹐一定會做得麻麻。但係我覺得都係非吃不可。只因為我覺得政府在大牌檔問題上唔肯讓步係絕對錯誤的。最後一日﹐點都要支持下﹐作為對政府無情的回應。對政府官員黎講﹐大牌檔消失可能只係少左一樣麻煩﹐但係對香港市民黎講﹐係無左一種飲食文化。真係唔明﹐花費數以千萬去向外推廣香港為國際文化都會﹐但係呢個國際都會偏偏連自己的本土歷史文化都無力/無意保留﹐簡直係荒天下之大謬。呢個食評我俾笑面係因為﹐如果你問我﹐大牌檔食唔食得過﹐我一定幾時都會話食得過的。