荔園茶餐廳 (已結業)

巡遊完後我就去拆Gel甲因為月尾我要做一個小手術，拆完之後剛好似爸爸來到尖沙咀跟我吃晚飯，就帶他去荔園茶餐廳食佢好喜歡的炒麵吧！ 飲品我選了青檸梳打＄13、車爸爸例牌冷凍奶茶＄13，這杯青檸梳打好飲呀又夠酸又夠氣而且唔會好甜，而凍奶茶車爸爸亦都飲得好滿意呢。 我好晏先食午餐所以唔會好肚餓就不如點客荔園招牌炸雞髀配薯角＄58，還記得上一趟來吃炸雞髀真係好開心，因為雞髀真係大過我塊面㗎！今次再來吃雞髀同樣炸得香脆可口肉質嫩滑，配埋粉淋香口的薯角真係吃得我好開心呢。 我就介紹咗車爸爸吃這份彩椒牛肉煎脆麵 ＄78，光是賣相已經好吸引是嗎？脆麵造成塔狀炸得香脆可口，彩椒牛肉汁另上吃時才加入去令麵條保持香脆，而且炸麵本身已經餵入了味道 吃得出是用心的製作，吃飽飽後就同車爸爸手拖手回家其實耐唔耐有個小拍拖都真係幾開心呢！