喜喜中國廚房 (已結業)

前排睇到佢d廣告, 心諗荔枝柴燒味係咪真係會有荔枝味嘅呢,結果把心一橫去試吓.平日去真係好寧靜i like it,我地兩個人全部叫哂荔枝柴燒味,包括燒鵝半隻,叉燒例牌同燒腩仔例牌,我一向都好鍾意食燒味,所以呢餐啱哂我.首先試咗個燒腩仔先,經理同我地講佢地係用新鮮腩仔燒嘅,又真係幾好味喎,一層肥一層肉,塊皮都幾脆,不枉我特登入嚟屯門.至於個叉燒真係好重好重果木香味,半肥廋叉正.食完呢度d叉燒我過兩日又食但係真係差好遠,唉大濟,以後我點算.講埋個燒鵝先,佢地係分開個汁上,我不嬲都唔係咁鍾意d食物浸滿哂汁,呢度真係好細心.不過隻燒鵝皮真係唔夠脆,肉就好有味好滑,但係就無乜果木香味,呢樣野佢地真係要改善,希望我地下次再嚟嘅時候會再好d喇.食哂所有食物之後我可以好肯定一樣野,就係荔枝柴燒味係唔會真係有荔枝味嘅.仲有呢度d裝修都幾靚,有卡位添,都幾特別.