台站 (已結業)

荔枝角新開小店，主打台式早餐、小食及午飯，以外賣形式，下單付款等食物，過程都幾快。見個古早魯肉飯賣相唔錯，就一於試下。除左魯肉飯，仲有肉燥飯，多款小食，全部都好有台式風味。當日遲左去，有幾款小食都售罄。見仲做緊優惠，有熱飲送，都幾貼心。古早魯肉飯 $29，都好大盒，份量十足。魯肉用五花肉，肥瘦相間，油潤甘香，而且魯得入味又唔過咸，個汁先正，用來拌飯一流。仲有糖心蛋都好入味，仲特別多份酒香，味道比一般的更好，係個飯偏乾左少少，但紙盒裝好有台式便當風味。風味鹽酥雞 $26比相像中細份，但味道唔錯，咸咸香香，係個重香料的炸雞粒。肉質微彈唔會太乾，外層酥脆，d香料搖均黎食就岩岩好。外賣包裝都乾淨整齊，等左一陣就有，午餐時間幾方便。