86
22
9
等級4
162
0
見到附近開左間新餐廳,又見佢主打東南亞菜式,所以襯今晚去試下。由於附近係工廠區,所以比較少咁別樹一格的餐廳。入到去俾一幅寫晒打氣說話的牆吸引,問番店員係話用"打小人"的概念整出黎,仲話不定時會真係請人黎打小人。講到明主打東南亞菜式,咁大家都知我鐘意東南亞文化,尤其馬來西亞,所以叫左海南雞飯同埋檳城炒粿條,加埋個飛天炒雜菜同檸檬愛玉冰。海南雞飯黎到後,發覺原來有半隻雞的份量,唔怪之要超過一百蚊,原來係兩人份量。黎之前都做過下research知道呢度用走地廿日的粟米雞,不過我不嬲都唔太理,最重要整得夠唔夠皮脆肉嫩。大家都知我對海南雞的研究比較多,尤其好多餐廳將白切雞變成海南雞想蒙混過關。呢度的海南雞做得很好,做到雞肉白裏透紅、皮與肉之間帶啫喱,未食落去都知夠晒滑。而皮都夠脆同入味,當然點埋泰式雞醬就更加滋味啦。油飯夠乾身,唔太濕,如果落多些雞油效果更佳 (雖然都更加肥)。至於檳城炒粿條,又係大大碟,材料如蝦仁、雞蛋、臘腸同芽菜等都齊全,望落個樣都似我係檳城食的樣子。其實炒粿條最重要有三樣野,第一係粿條要夠煙韌,唔會太碎又掛到汁,咁呢度做到,尤其寫明粿條係由怡寶空運過黎。例外就係炒得夠乾身,
更多
見到附近開左間新餐廳,又見佢主打東南亞菜式,所以襯今晚去試下。由於附近係工廠區,所以比較少咁別樹一格的餐廳。入到去俾一幅寫晒打氣說話的牆吸引,問番店員係話用"打小人"的概念整出黎,仲話不定時會真係請人黎打小人。
11 瀏覽
0 讚好
0 留言
36 瀏覽
0 讚好
0 留言
147 瀏覽
0 讚好
0 留言


講到明主打東南亞菜式,咁大家都知我鐘意東南亞文化,尤其馬來西亞,所以叫左海南雞飯同埋檳城炒粿條,加埋個飛天炒雜菜同檸檬愛玉冰。
海南雞飯黎到後,發覺原來有半隻雞的份量,唔怪之要超過一百蚊,原來係兩人份量。黎之前都做過下research知道呢度用走地廿日的粟米雞,不過我不嬲都唔太理,最重要整得夠唔夠皮脆肉嫩。大家都知我對海南雞的研究比較多,尤其好多餐廳將白切雞變成海南雞想蒙混過關。呢度的海南雞做得很好,做到雞肉白裏透紅、皮與肉之間帶啫喱,未食落去都知夠晒滑。而皮都夠脆同入味,當然點埋泰式雞醬就更加滋味啦。油飯夠乾身,唔太濕,如果落多些雞油效果更佳 (雖然都更加肥)。
海南雞+油飯
21 瀏覽
0 讚好
0 留言
海南雞+油飯
17 瀏覽
0 讚好
0 留言

至於檳城炒粿條,又係大大碟,材料如蝦仁、雞蛋、臘腸同芽菜等都齊全,望落個樣都似我係檳城食的樣子。其實炒粿條最重要有三樣野,第一係粿條要夠煙韌,唔會太碎又掛到汁,咁呢度做到,尤其寫明粿條係由怡寶空運過黎。例外就係炒得夠乾身,食落去唔油膩,呢個都做到。而最後一樣係芽菜,由於馬來西亞的芽菜夠肥大,食落去會較為爽甜,而呢度就只係用平時食開的芽菜。
檳城炒粿條
22 瀏覽
0 讚好
0 留言

至於飛天炒雜菜就覺得材料唔太夾,因為西蘭花同椰菜花都比較難入味,所以食落去唔夠香口。至於檸檬愛玉冰有驚喜,原來係檸蜜,加上愛玉同椰果,解渴一流!
飛天炒雜菜
26 瀏覽
0 讚好
0 留言
士林檸檬愛玉冰
7 瀏覽
0 讚好
0 留言

價錢黎講屬於中上,不過大家食開荔枝角都知道夜晚食飯的平均格價都相對比較高,所以都接受到,尤其呢度的食物份量咁多,建議餐廳可以講明海南雞係2-3人分量,或者可以提供唔同份量俾食客叫,咁1人或2人黎食就可以叫多些菜色。
題外話/補充資料: 每樣食物份量相對比較多。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-10-12
用餐途徑
堂食
人均消費
$170 (晚餐)
推介美食
海南雞+油飯
海南雞+油飯
檳城炒粿條
士林檸檬愛玉冰
  • 海南雞