Makuma (已結業)

簡單介紹下最近試嘅一間新餐廳。位於D2 place 後街嘅日系餐廳。門外裝修幾吸引，室內坐位都幾舒服。人流唔算多。Lunch set🍜灸燒慢煮24小時日式叉燒 · 月見冷烏冬 $148月見冷烏冬好大碗，慢煮叉燒大大塊，入口頗嫩滑。味道不錯。🍱角切油甘魚醬油漬 · 三文魚籽椰菜花米丼 $148呢款椰菜花丼好特別，生酮飲食嘅朋友可能食過椰菜花飯，但係相信大家未必有食過椰菜花飯做嘅魚生丼。好有新鮮感。魚生同魚籽份量十足。椰菜花飯都好大碗。非常推薦。餐牌頗有特色，好想再去試下佢D Cake同小食。😋不過覺得佢跟餐配嘅Americano同啲嘢食好似唔係好夾。