御名園

營業中

休息中

開在茘枝角碧海藍天樓下的高質酒樓「御名園」對附近居民黎講唔洗行出區外就有間咁高質嘅酒樓，真系好方便，飲茶食飯超級就腳，而且侍應態度超級好，令我呢個黎探朋友有跨區人士羨慕得流晒口水！真心希望自己屋企樓下都開返間分店！今日同朋友蒸咗條魚，清蒸沙巴斑，超級新鮮嫩滑！熟度正合適，魚肉緊實細膩，淋上豉油，非常好味！不得不贊佢哋今日燉湯—雪蓮果椰皇燉竹絲雞湯鮮香滋潤！遠遠就聞到椰子香味，亦十分足料，竹絲雞啖啖肉，十分滋補！黑豚叉燒皇，賣相討好，味道比想像中質素仲高，表層蜜糖好易入口，肉質軟冧入味，份量都算滿足。瑤柱蛋白炒飯，大大一碟，有好多瑤柱，非常足料，份量都比出面其他餐廳多，飯粒夠爽口。豆鼓鯪魚油麥菜，食返個菜，營養均衡，賣相不出，入口爽脆。點咗個鬆化脆蛋散，炸至金黃色，入口處化。