金酒屋

營業中

休息中

新年前約咗一班朋友食日本野放鬆一下，居酒屋裝橫以溫暖既木質色調為主，座位設計分為半開放式的吧枱區和私密的卡位，給人一種自在又能輕鬆聊天既氛圍。海膽金糖盒賣相味道一流，創意十足，脆餅乾上面放咗海膽、日式豆腐、三文魚籽，海膽既鮮美濃郁撲滿整個口腔，三文魚籽增添鹹香味，豆腐口感細膩，棉花糖軟綿綿，層次感豐富。金龍珠海膽吞拿魚蓉卷用左醬漬蛋黃做龍珠，配搭入口即化既吞拿魚蓉，濃郁既海膽，每一口層次分明，鮮美滋味。銀丼 月見生和牛三文魚籽生和牛片新鮮，呈鮮艷紅色，捲起好似花束咁，上面加左生蛋黃襯托出生和牛鮮嫩口感，加上三文魚籽鹹香味，口感豐富。串燒自家製雞皮蝦：雞皮微微焦香，包住與彈牙既蝦肉，口感鮮美。厚燒牛舌心：牛舌心帶有微微焦香，口感彈牙有嚼勁。黑豚五花腩：外層焦脆，内層嫩滑，豬肉油脂香充滿口腔。嚴選松板豬（頸）：豬頸肉有嚼勁，肉質的鮮嫩多汁，充滿油脂香。戰神鍋 兵庫縣生蠔鍋 + A4宮崎和牛晚餐一大亮點，一盤肥厚而鮮美既生蠔，入口鮮甜多汁 ，另外加左2塊A4宮崎和牛，脂肪分佈均勻，入口即化。