潮食地

營業中

休息中

今日喺荔枝角買完嘢，喺附近搵咗間餐廳求其食，又估唔到質素幾好價錢又唔貴，位置仲喺正長沙灣道好方便。。我哋啱啱過咗下午茶時間，六點幾食晚餐，叫咗一個焗飯餐同埋小菜。「咖哩芝士魚柳焗飯 $62」咖喱味香濃，有別於一般嘅港式咖喱，芝士份量幾多，淡淡都食到芝士，仲有少少拉絲咁，飯底係炒飯底，就算炒得乾身👍🏼「椒鹽豬排$88」小菜 會跟配白飯一碗同例湯，椒鹽豬扒真心值得讚，炸得啱啱好，椒鹽豬扒個精粹就係辣椒蔥蒜，無返咁上下火候都整唔到咁好食👍🏼。。跟餐特飲 +$12，揀咗雪糕紅豆冰 同 龍鳳檸樂。特飲加得抵，平時轉凍飲都要加$3，尤其係個雪糕紅豆冰🤣 士多啤梨雪糕勁好食，仲有紅豆好淋。