Food Garden ETC (已結業)

同朋友一齊喺Food Garden ETC食晚餐， 餐廳好大，服務員有禮！ 冬陰功汁海鮮扁意粉 冬陰功汁好濃比較辣，適合喜歡食辣嘅人！ 有蝦，蜆肉同菇，非常豐富！ 夏威夷手工薄餅 餅底焗得好脆口而且質地夠煙韌，芝士味夠重，每一舊都有火腿同菠蘿好足料！ 香蕉班戟配朱古力雪糕Pancake 煎得夠薄，香蕉份量多，朱古力雪糕好香濃🤩同阿波羅雪糕有得比👍🏻 焦糖燉蛋上面層焦糖薄薄好脆口！ 燉蛋幾香滑，兩個人分享剛剛好！ 蝶豆花檸檬特飲上層係紫色嘅蝶豆花飲品，下層係檸檬，特飲好靚! 飲品酸酸甜甜好解渴！ 白桃乳酸特飲唔太甜，好濃嘅桃味乳酸味🥰