影片
更多
2023-01-10
713 瀏覽
粟米忌廉湯&香草包港式粟米忌廉湯好濃厚，香草包好脆，香草味好突出。冷慢煮清酒南非鮑一人一隻南非鮑，未食已經聞到香醇嘅酒香，鮑魚已經切咗片，好貼心，鮑魚肉質爽口，好開胃嘅前菜。皮蛋豆腐豆腐切到一層層薄片，突顯廚師好刀功之餘，薄切豆腐食落去口感特別好，特別滑溜。另外加咗好多皮蛋同咸香味濃郁嘅肉鬆做toppings，味道同口感更豐富。黑毛豬火腿配哈蜜瓜 名物伊比亞豬黑毛豬火腿，經過風乾後肉味濃郁，配埋哈蜜瓜食係最啱。汁燒蠔+炸雞翼雞全翼炸得好香脆，雞肉嫩滑。蠔新鮮，汁燒再加埋紫菜飛魚籽，滿滿日式嘅感覺。鵝肝多士 鵝肝好厚身，煎得好香，入口即溶，多士夠哂香口。上面一粒粒黑色小珠乍看以為係魚子醬，其實係分子料理，係用意大利黑醋整成，黑醋可以解膩，仲有濃郁嘅提子甜味，年份越高嘅黑醋，甜味越高，等級都越高。餐廳嘅心思同誠意可以係呢啲細節上反映到👍🏻上湯大大蝦嚟返一個中式嘅菜式，上湯、大蝦同豆苗係絕配。上湯味道濃郁，連蝦殼都想食埋落肚，蝦肉彈牙。菠菜蟹肉意大利飯菠菜味同蟹肉好夾，呢個意大飯粒粒分明，做到creamy得嚟不膩口，會想食更多。法式焦糖燉蛋同芝士蛋糕燉蛋嘅焦糖面好脆，燉蛋又甜又滑，芝士蛋糕鬆
港式粟米忌廉湯好濃厚，香草包好脆，香草味好突出。
冷慢煮清酒南非鮑
一人一隻南非鮑，未食已經聞到香醇嘅酒香，鮑魚已經切咗片，好貼心，鮑魚肉質爽口，好開胃嘅前菜。
皮蛋豆腐
豆腐切到一層層薄片，突顯廚師好刀功之餘，薄切豆腐食落去口感特別好，特別滑溜。另外加咗好多皮蛋同咸香味濃郁嘅肉鬆做toppings，味道同口感更豐富。
黑毛豬火腿配哈蜜瓜
名物伊比亞豬黑毛豬火腿，經過風乾後肉味濃郁，配埋哈蜜瓜食係最啱。
汁燒蠔+炸雞翼
雞全翼炸得好香脆，雞肉嫩滑。蠔新鮮，汁燒再加埋紫菜飛魚籽，滿滿日式嘅感覺。
鵝肝多士
鵝肝好厚身，煎得好香，入口即溶，多士夠哂香口。上面一粒粒黑色小珠乍看以為係魚子醬，其實係分子料理，係用意大利黑醋整成，黑醋可以解膩，仲有濃郁嘅提子甜味，年份越高嘅黑醋，甜味越高，等級都越高。餐廳嘅心思同誠意可以係呢啲細節上反映到👍🏻
上湯大大蝦
嚟返一個中式嘅菜式，上湯、大蝦同豆苗係絕配。上湯味道濃郁，連蝦殼都想食埋落肚，蝦肉彈牙。
菠菜蟹肉意大利飯
菠菜味同蟹肉好夾，呢個意大飯粒粒分明，做到creamy得嚟不膩口，會想食更多。
法式焦糖燉蛋同芝士蛋糕
燉蛋嘅焦糖面好脆，燉蛋又甜又滑，芝士蛋糕鬆軟，好滿足嘅甜品。
二人餐包咗兩杯自選飲品，呢杯蜜桃沙冰好值得推介
本身用蜜桃做沙冰唔係度度有，而且好好飲，蜜桃汁夠濃，飲到底都唔會變淡，沙冰又夠幼細綿密。另外仲有各式咖啡、茶、奶昔等等嘅飲品可供選擇。成個餐食咗差唔多三個鐘，中港西日嘅菜色都有，係一場盛宴。另外仲有一個$588二人餐，任君選擇💁🏻♀️餐廳環境寬敞，適合多人聚會。
張貼
