太興 (峻峰花園) (已結業)

年三十同媽咪食團年飯，近近地去太興，本來想做節叫隻雞，但實在冷氣太凍，所以轉呔打算叫熱菜。荔芋油鴨煲 ~$68 👍😊超讚好推介，通常呢味餸一係整得太鹹，一係啲臘鴨又太淡，好少好似呢間太興啲咁恰到好處，實屬難得👍👍而且啲汁好香臘鴨味，臘鴨方面係臘鴨肶，舊舊都可以食，(有啲餐廳可能只得骨或皮)，呢個價錢有呢個質素係抵，即所謂性價比高。😊😊北菇豆腐青衣魚塊煲 $79 🆗炸魚塊比較多粉，有舊直程無魚肉，味道一般，我如果再去會再叫荔芋油鴨煲，呢個就唔會再叫，會試其他。冷氣真係好凍，坐得唔係太舒服。