小草十八怪石鍋米線 (已結業)

我係超級米線控，去米線舖唔食米線，我應該都真係第一次😂因為實在太多選擇喇！呢度出名除左石鍋米線外，仲有烤魚、荷葉飯同串燒，選擇非常多。✨烤海鱸魚有八款湯底可以選擇。我地就揀左平時少用黎配搭烤魚嘅馬來肉骨茶湯底，又無乜違和感喎，幾濃味。鱸魚都幾滑。仲叫左份薯粉，煙煙韌韌，索哂肉骨茶湯好正🙌🏻✨瑤柱蒜蓉海鮮荷葉飯，配料有扇貝、蝦、蟹柳、魷魚、瑤柱，非常足料。海鮮香味加上荷葉香入哂啲飯度，就算唔使加豉油都夠哂味。✨川式涼麵配上牛肚同豬耳，仲有青瓜絲同蘿蔔絲，小辣都幾惹味。仲叫左啲串燒，羊肉串/海蝦/韮菜/金菇。喜歡佢羊肉串嘅羶味同多汁；海蝦都好正，encore左幾份🤪青檸薄荷梳打/芒果凍頂烏龍/特大檸檬茶，三杯都大大杯，正🤘🏻