The Dutch House Restaurant

營業中

休息中

朋友話去食荷蘭菜，真心未試過，當然第一時間話好！原來大廚是荷蘭華僑，亦係品酒師，所以幫客人做Wine pairing，簡直是手到擒來！希靈魚希靈魚上面舖滿了生洋蔥粒和青瓜粒，由於希靈魚用海鹽醃製，所以味道像在吃鹹魚，大廚就配上一杯味道較濃和酒精較高的荷蘭酒。荷蘭腸➕Bitterballen兩款同樣香脆惹味，Bitterballen實質是牛肉球，牛肉味頗濃！鵪鶉髀肉質嫩滑，配醋汁，酸酸甜甜，還有沙律菜係最底，有助減低油膩感。煙燻鰻魚採用荷蘭野生鰻魚，用橡木煙燻，因為是野生鰻魚，所以質感較實，還是節日限定，只在春季到秋天才有得供應，自問不是「魚」控，但也對此鰻魚刮目相看！Pair 埋日本特純米酒，值得推薦！👍👍龍蝦湯沒有加任何配料，純粹只是龍蝦，用龍蝦煲十幾個鐘，跟著倒Brandy落湯羹，用燒槍燒一燒 Brandy才倒下去，原來這做法有助提升味道 ，如果食到細小龍蝦殻，係因為壓碎龍蝦淆湯而造成的！燒鷄採用新鮮龍崗鷄，用30種香料調味，整個過程需時2日，鷄皮燒得很香脆，最特別是腳指燒到脆到可以連骨食，一定要配自家製蘋果蓉，否則可能覺得有點咸，最好3天前預訂，否則就有機會錯過了這麼好味的燒鷄！