皇軒私房菜 (裝修中)

炸BB鴿，油溫炸得岩岩好，鴿皮十分香脆，相對乳鴿，BB鴿肉唔多，但勝在鴿肉更鮮嫩，如果覺得肉味淡，可以用椒鹽伴食仲惹味。咸菜胡椒豬肚湯，酸酸辣辣，不錯，湯料足有好多咸菜同豬肚，豬肚芳香有鮮味，而且乾淨軟身但保持到爽口感，煮得剛好唔會太軟或者煲得太「韌」要咬好耐。蜜椒牛柳粒，金黃色既薯仔加上蜜糖而變得又甜又脆，微辣既牛肉粒軟嫩多汁。津菜玉荷包，黃芽白裡面包住唔同既蔬菜，饀料有冬菇、粉絲、紅蘿蔔等，味道好同時做得好仔細。菊花豆腐係驚喜甜品，超級考師傅刀功，薑汁上既豆腐又香又靚。