菓甜品 (已結業)

幾時都話食甜品有另一個胃，就算同朋友個頭食完正餐，呢頭都總會覺得少咗啲，要食埋甜品先圓滿！甜品鋪牆身係花朵嘅塗鴉，枱又有唔少嘅乾花做擺設，係另類嘅打卡位。絲絲入心我就揀咗個心太軟，一上枱就已經要瘋狂打卡，好靚，心太軟蛋糕放咗係彎彎嘅月亮形餅乾上面，再加個朱古力蝴蝶做點綴；而下面嘅雲呢嗱雪糕又用咗薄荷葉同紅桑子脆脆做配料，感覺都幾唯美！除咗個樣，味道仲好唔錯，一叉開個蛋糕，啲朱古力流心醬就慢慢流落雪糕度，溫暖嘅朱古力醬同凍冷冷嘅雪糕好match !朱古力味仲好濃！香蕉金莎朱古力窩夫伴榛子雪糕窩夫外脆內軟，冇煎𤓓，旁邊嘅醬真係好金莎，有金莎獨有嘅榛子香，香蕉同醬料都好多，用泥配窩夫啱啱好。雜果雪芭身邊總有幾個唔識死嘅朋友，天氣咁凍都要食雪芭！雜果好足料，水果款式都幾多，雪芭係用菠蘿泥做容器，好可愛。Facebook 同Instagram 打卡、比like ，全單就有95折，幾抵！