菓甜品 (已結業)

朋友來香港旅行，今天帶佢地行尖沙咀，行到好攰，想坐低休息下，于是就諗起寶勒行的菓甜品了，好值得介紹比佢地食。菓甜品環境不錯架，位置設計得有私人空間，岩晒傾計啦！粟一燒絕對要食！仿真度超高！影相呃like一極棒！佢系芝士蛋糕來架，口味仲相當不錯！粟米芯也被我們食左了！哈哈！朋友大贊好味！絲絲入心，系朱古力心太軟，朱古力心好新鮮熱辣，會流晒去雪糕度，同雪糕一齊食，夠晒好味。水信玄餅，賣相超好，晶瑩剔透的外觀，櫻花🌸令人心醉，朋友們影左好耐先捨得食！宇冶抹茶麻糬窩夫伴雪糕，好大一份，岩哂我地幾個人食，新鮮出爐，口感特別香脆！不太甜，紅豆身抹茶搭配好好，最特別系中間有麻糬餡，好Q！蛋白杏仁茶有好多蛋白，好香滑！估唔到連糖水都做到咁好，蛋白杏仁茶同楊枝甘露都好值得食！