影片
更多
2022-08-30
37 瀏覽
為慶祝老朋友生日，到元朗品嚐Omakase，我哋揀咗$1080套餐，包括有前菜、十四款壽司、手卷、湯及甜品。前菜溫室蕃茄配黑醋汁，加咗山葵蔥花嘅冷麵&炸無花果配芝麻豆腐醬，開胃之選！漬物：醬油漬牛蒡、鹽水醃製榨菜、木魚味蒜頭&開胃酸薑。壽司:北海道帆立貝新鮮帆立貝，味道鮮甜，加入鮮磨Wasabi 同海藻鹽，感覺鮮甜而清新。鱸魚鱸魚最佳食用季節喺夏天，肉質清爽， 加入柚子皮，味道微微帶酸甜，好清香。沙椎魚肉質較為結實，上面加咗帶辣嘅蘿蔔蓉，食落有微甘味道。間八( Kanpachi)Kanpachi 口感爽脆，魚味香濃，加上魚子醬，味道極為豐富。深海池魚池魚肉質細緻，魚脂比例較多，甘香可口美味。北海道北寄貝由於係「活」嘅北極貝，加咗少少七味粉， 肉質更加鮮甜爽口， 用上火炙做法，令味道更加濃郁。伊佐木肉質煙韌啲，魚皮輕輕燒過，迫咗啲魚油出嚟更加香。 小柱小柱係青柳嘅背柱位， 口感帶爽口， 加上酸橘汁帶出小柱嘅鮮味， 連埋脆紫菜一齊食好夾。池魚來自島根縣嘅池魚，肉質鮮嫩肥美，魚味比較香濃， 配上蔥花，味道好一致。牡丹蝦北海道牡丹蝦，蝦肉鮮甜爽口， 上面鋪滿燒香咗嘅牡丹蝦蝦頭膏，香濃惹味。醋醃
前菜溫室蕃茄配黑醋汁，加咗山葵蔥花嘅冷麵&
炸無花果配芝麻豆腐醬，開胃之選！
漬物：醬油漬牛蒡、鹽水醃製榨菜、木魚味蒜頭&開胃酸薑。
壽司:北海道帆立貝
新鮮帆立貝，味道鮮甜，加入鮮磨Wasabi 同海藻鹽，感覺鮮甜而清新。
鱸魚鱸魚最佳食用季節喺夏天，肉質清爽， 加入柚子皮，味道微微帶酸甜，好清香。
沙椎魚肉質較為結實，上面加咗帶辣嘅蘿蔔蓉，食落有微甘味道。
間八( Kanpachi)Kanpachi 口感爽脆，魚味香濃，加上魚子醬，味道極為豐富。
深海池魚池魚肉質細緻，魚脂比例較多，甘香可口美味。
北海道北寄貝由於係「活」嘅北極貝，加咗少少七味粉， 肉質更加鮮甜爽口， 用上火炙做法，令味道更加濃郁。
伊佐木肉質煙韌啲，魚皮輕輕燒過，迫咗啲魚油出嚟更加香。
小柱
小柱係青柳嘅背柱位， 口感帶爽口， 加上酸橘汁帶出小柱嘅鮮味， 連埋脆紫菜一齊食好夾。
池魚來自島根縣嘅池魚，肉質鮮嫩肥美，魚味比較香濃， 配上蔥花，味道好一致。
牡丹蝦北海道牡丹蝦，蝦肉鮮甜爽口， 上面鋪滿燒香咗嘅牡丹蝦蝦頭膏，香濃惹味。
醋醃鯖魚經過燒過嘅鯖魚，迫晒啲油出嚟，魚味更加香濃，加上芝麻同醋醃白板昆布， 味道更加豐富，佢嘅做法有少少似關西壽司，押壽司，外表方方的。
中吞拿魚腩 經過熟成七日嘅長崎縣中吞拿魚腩，色澤粉嫩，魚味比較濃郁。
大吞拿魚腩
經過熟成七日嘅長崎縣大吞拿魚腩，大拖位於最肥美嘅部位，魚脂含量極高， 口感自然特別潤滑， 油香特別濃郁。
馬糞海膽北海道嘅馬糞海膽，味道鮮甜，口感creamy。
三文魚籽魚籽經醃漬過，再加柚子皮同酸橘汁，味道清新。魚子爆開，口內充滿鮮味。
手卷手卷材料包括有拖羅蓉、芝麻、醃製黃蘿蔔&紫蘇葉等，味道相當豐富，增添層次感！
食完最後一款壽司，就有暖暖嘅味噌湯，味道比濃郁。
甜品有蜜瓜配上煙韌嘅三色丸子，密瓜清甜可口。
不知不覺食咗好多道菜，款款都有唔同特色，慶生要食咁多嘢先夠滿足嘛！
張貼
