Flagship

營業中

休息中

好耐無嚟灣仔一帶食飯，今次去一間隱藏在船街巷尾的餐廳，店名同街名襯到絕，餐廳以木系及白色餐桌為主調，還有樓上雅座共兩層，主打創意的fusion菜，單睇菜名都好特別。流心水牛芝士沙律 $168其實對一般西餐廳的沙律沒有太大興趣，不過這道沙律名字頗為特別，姑且點來試試到底是如何「流心」？擺盤賣相好靚，水牛芝士做到好似水波蛋般，一切果然有cheese流心，連同羽衣甘藍及洋蔥絲攪拌一起食，再加埋醋汁及番茄粉調味，酸酸甜甜又有濃郁芝士味，口感豐富，味道創新，好食，大推。冬蔭功大蝦意粉 $198番茄醬或是芝士忌廉煮意粉就食得多，這裡用的竟然是冬蔭功？確係有少少九唔搭八，但味道又出奇地夾。冬䕃功酸辣度適中，微辣又帶點香氣，醬汁掛滿在意粉上，食落幾開胃，配搭兩隻大蝦都算彈牙。味道令我驚艷到，唔知自己係屋企煮唔煮到呢？21天熟成厚切豬扒 $33821天熟成的豬扒，其肉質會比鮮肉更嫩滑，食落軟腍，有咸香且油而不膩，不用醮醬汁已經好好食，原個焗蒜頭好香口，仲有長邊豆、翠玉瓜、雞髀菇做配菜，唔錯。