影片
更多
2022-08-27
31 瀏覽
最近元朗新開咗間西餐廳，餐廳走型格路線，落地玻璃令採光度十足，感覺開揚舒適😌店員殷勤有禮，會主動介紹餐廳招牌菜式，點餐後又會送上麵包，麵包有3款，每款口感都唔同，可配黑醋及橄欖油同食。🍝蒜片辣椒新鮮鑽石蜆扁意粉（$152）鑽石蜆有8隻，蜆肉都幾新鮮厚肉，扁意粉與蒜片辣椒同煮都幾惹味，但味道相對較辣，嗜辣者應該會鍾意😌🐷特色乳豬卷釀香草豬肉洋薏米·蘋果酸辣醬·鼠尾草燒汁（$188）乳豬卷外層金黃香脆，包住與洋薏米混和嘅碎豬肉，食落香口豐富，配埋鼠尾草燒汁，味道幾特別；伴碟嘅千層焗薯忌廉味香濃，蘋果酸辣醬則可減輕膩感，菜式有驚喜亦有創意😋
張貼
