粵桂樓 (已結業)

蘭桂坊近年私房菜多左好多餐廳或者私房菜，好多水準真係唔錯，有時見客都適合直接約after lunch時間去一路試菜一路傾，而呢度氣氛偏暗，好啱傾密計!三菇六耳泡烏冬食得多日式烏冬，通常都係豚肉呀牛肉，全素烏冬我估就冇幾多人試過，所以趁第一次見就order左呢個三菇六耳泡烏冬，首先佢呢個烏冬睇落真係一滴油都冇，連湯都係素，清得好緊要，不過又唔會話好淡，然後就開始試下D烏冬，好明顯係手打，有食開烏冬都會分得到手打烏冬係會比較煙韌同埋滑，幾好。至於味道就真係好清好素，但又會話無味，三菇六耳就各少少咁啦，加兩條白菜，一人份量叫做啱啱好咁。如果要評呢個烏冬，味道幾好，但係確實好特別，其他地方冇！鳳梨鴨鬆黃金炒飯呢個飯又係其他地方唔會有得食，向來我食炒飯會第一時間注意，就係睇佢油唔油膩，好多地方D炒飯一係就好油，一係就好濕，所以如果見到油膩炒飯或者濕到不似飯形我通常會即時扣分，fovea呢度嘅炒飯就睇落乾身爽口(至少今次係)，另外睇炒飯炒得夠唔夠均勻，因為配料都帶唔同味，一唔均勻呢，成個飯就格格不入，呢個就考炒功，咁呢個就通常都合格嘅，呢個飯合格有餘，呢個飯仲有少少特別就係用左鴨鬆，都幾重味，夾埋