鋿晶館 (上水匯) (裝修中)

鋿晶館今次要介紹上水一間餐廳叫「鋿晶館」，呢間餐廳最近開埋喺上水匯，呢間餐廳由米芝蓮西餐大廚同中華料理攜手合作主理，菜式中西融合，非常創新！輪椅人士嚟呢間分店完全無障礙，遠就遠咗少少，但起碼唔洗拎斜板咁辛苦，完全好方便，餐廳入面又闊落，店員又有禮！1.沙嗲穀飼牛肉公仔麵$58（9.5/10）呢碗沙爹穀飼牛肉公仔麵唔好睇小佢，牛肉片都幾厚，牛肉一共都有8片，牛肉都幾嫩滑，少少都唔會韌，我問店員公仔麵係用咩麵，佢話用「東麵」，口感似出前一丁，都幾彈牙，可惜沙嗲有少少唔夠濃味，其他全部ok！2.蒜香虎蝦蒸飯$98（8.5/10）呢個蒜香虎蝦蒸飯個飯無咁濕，虎蝦有六舊開咗邊嘅蝦，即係有三隻大虎蝦，不過虎蝦肉質唔夠彈牙，好彩蒜香味夠濃郁，倒埋豉油撈埋蒜頭蔥花一齊撈埋飯食，唔錯唔錯！3.口水雞飯$68（8/10）呢碟口水雞飯個口水雞夠辣，雞件大約有10舊，不過骨大肉少，飯就硬咗少少！4.鰻魚牛角酥$59（9.5/10）呢個鰻魚牛角酥幾創新，牛角酥入面有鰻魚、蕃茄、生菜、青瓜等，牛角包鬆軟，一咬口感豐富，鰻魚都唔細條嫁！5.雪糕朱古力$38（9/10）呢杯雪糕朱古力好甜，雪糕球有兩球，不過影完相之後