The Grill Room (The Humphreys)

營業中

休息中

尖沙咀嘅西餐廳選擇好多，但係網上見到呢間幾好評價，最尾都係揀咗呢間食晚飯。入到去燈光好柔和，望落感覺幾舒服。侍應算親切，好快就主動接觸我哋，問我地幾多位。我哋坐咗喺吧枱，可以睇住廚師煮嘢食，見到廚房入面好衛生。前菜揀咗個三文魚他他配香草乳酪汁，三文魚他他配左一隻半山熟嘅雞蛋，撈埋一齊食酸酸味味，有三文魚嘅口感，食落味道幾開胃，配多士好合適。主菜叫咗炙燒豬腩肉鹽味焦糖汁配青蘋果沙律，腩肉皮燒得好香脆，入面嘅肉質算嫩滑，唔太肥，配埋醒胃嘅青蘋果沙律，味道又幾夾。本身對豬腩肉唔太高期望，但同行朋友話想試吓，最尾都係選擇左叫，呢道菜都甚為驚喜。我哋仲叫咗香草鮮蠔芥末忌廉汁扁意粉，忌廉汁好濃好多，但芥末味不會太突出，唔會有攻鼻嘅感覺，蠔都算大隻，襯意粉食落味道都幾夾，係一個幾新奇嘅配搭。我哋仲叫咗香炒新鮮蜆仔配墨汁青檸扁意粉，墨汁意粉配青檸汁個配搭第一次見，幾特別，食到墨魚汁嘅鮮味，都有青檸汁嘅清新，雖然意粉有好輕微嘅辣，但唔會辣到出眼水，反而有刺激味蕾嘅感覺。總括嚟講，呢一餐雖然價錢屬於貴價，但每一道菜嘅配搭都幾新奇，特別日子去食會覺得合適。👍