顯徑車仔麵 (已結業)

之前在大圍返咗3年工一直在A出口出，都無去過另一邊D出口，原來係有另一個新天地。舊同事住在嘉徑苑，佢話搭小巴同行路差不多時間，所以選擇行路。一邊行，一邊經過田心、雲疊，好舒服！由於一朝早食咗豐富早餐，午飯時間唔係咁餓，呢個時候食車仔麵就最好，所以揀咗呢間個名咁straightforward的小小餐廳😂舊同事話聽聞呢間店有十幾年，一直做到而家，大家都食開～不過太隱秘啦，唔係住呢度既話，好少行到咁入，睇黎真係做街坊生意去到打開餐牌見到有糖水，其實好想食，但係我驚自己好快又餓，所以都係揀番車仔麵啦，糖水就留番下次仲有機會先食（就黎夏天喎，唔知有無夏天版糖水呢？有小食仲有飯食😂睇黎只係做車仔麵係唔足夠呀，都要搞搞新意思吸引客人揀三餸一麵，貪有豆漿送～一上菜，嘩一聲，菜心份量好足😍好少見車仔麵俾咁足料，好感動。另外係豬頸肉，我成日凝住會係泰式豬頸肉，不過呢種做法都好食！然後芝心丸都OK~麵的份量都好多，我食剩咁多：個碗好深，下面仲藏住好多麵🙈真係大件夾抵食呀舊同事都係食呢個餐～不過我掛住食，無影佢啲餸😂😂😂最後的最後，臨走前見到有森美個樣😂