上海維記

營業中

休息中

本身去食上海野係想食小籠包，點知呢間原來無既，店家招牌生煎鍋貼又賣晒，所以叫左另一招牌 - 自家製菜肉雲吞。① 菜肉雲吞擔擔麵 $61雲呑好大隻，皮薄餡多，好食。擔擔麵首先試下湯底，第一啖有少少辣，但之後就唔覺辣；花生味幾香但唔算濃味。② 上海排骨擔擔麵 $65③ 吉列排骨 $38兩種排骨分別在於個「炸粉」，雖則薄薄地，但唔會好厚粉，唔會好乾或者好柴。④ 醉雞翼 $38開邊雞翼！肉幾結實，味道唔係好重酒味，無咩特別。⑤ 南京牛肉 $65原來即係牛𦟌，口感唔錯，但無乜味，呢個價錢性價比一般。