喜記蟹將軍 (已結業)

教父又開飯局，仲要係食蟹，我呢個自稱蟹后既，幾懶幾倦都要出去啦！仲寫好曬個菜單send過黎，睇完好難拒絕囉！餐廳門口唔顯眼但未入去先聽到風玲陣發出既一連串nonstop 音律！極度難忘！包你下次唔會再搵唔到佢！有人遲黎，等到鬼咁餓，終於上菜！風味六小食六碟精緻開胃小吃，細細碟真係岩曬，話曬今餐食蟹，梗係要留肚，我特別較喜歡其中兩樣:藍梅山葯，一般餐前小吃係酸咪咪，但用藍梅既我第一次試，加上爽口山葯，感覺好可愛（≧∇≦）！蒜泥白肉，味道岩我，又唔會太咸!黑松露波菜汁鮮蟹鉗蟹鉗夠大夠厚肉，味道鮮，即係隻蟹係靚既新鮮既！並唔係雪藏蟹鉗！個汁係清清地既波菜味滲出一點一點既黑松露，感覺好刺激，不過我個人覺得可以再刺激d XD 或者可能加點點海鹽吊出更多既鮮味會好好多！招牌將軍令講到係招牌就梗係要認真d啦！個個仲自己係碟砌個將軍令出黎XD呢個樣似蟹鉗，其實係起曬差不多半隻蟹既蟹肉加蟹膠再做成蟹鉗樣，功序繁複，but味道。。。。。以我呢個咁鐘意食蟹既蟹后黎講。。。。我食唔出我想像中既蟹味。。。。黃金焗蟹蓋理應係咖哩蟹皇蟹粉讓蟹蓋，我個人覺得咖哩味洋蔥味都太多將鮮蟹味都蓋曬！有d似樓下麵包店既咖哩包。