影片
更多
2018-01-26
1835 瀏覽
行開大埔都知呢間舖好好生意，今日就同朋友去一探究竟。入到去，舖面行西式路線，裝修得好有風格，係大埔確係少呢個路線嘅舖。而餐牌菜色繁多，有焗類、鐵板類、仲有佢地特色嘅芝士拉絲麵包，幾乎全部菜色都附圖，相當精美。今次我地就叫咗香煎A級穀飼西冷10oz ($95)，叫咗七成熟同黑椒汁。塊扒鐵板上嘅，而塊板好夠熱，唔係得個睇字，而食落的確有西冷嘅靭勁，有豐富肉汁，而且塊扒好肥厚兼大塊，好夠份量，再配埋薯角、蕃茄、西籣花，配搭得唔錯。 另外，軟殻蟹霜降色仔牛焗螺絲粉($85)，呢度大部分焗類可以由飯轉去意粉或螺絲粉，我就叫咗螺絲粉。軟殻蟹炸得金黃香脆，有肉地有咬口。牛柳粒好重肉汁之餘有咬勁，而且又厚又大舊，份量唔少，好有驚喜。仲叫咗份廣島蠔（兩隻芝士兩隻蒜蓉），個蠔上枱好驚喜，好肥厚、大隻，食落好鮮好juicy，蒜蓉味好香，而芝士味更見出色，因為芝士份量既多、拉絲力又強，食完仲好返尋味，推薦！
今次我地就叫咗香煎A級穀飼西冷10oz ($95)，叫咗七成熟同黑椒汁。塊扒鐵板上嘅，而塊板好夠熱，唔係得個睇字，而食落的確有西冷嘅靭勁，有豐富肉汁，而且塊扒好肥厚兼大塊，好夠份量，再配埋薯角、蕃茄、西籣花，配搭得唔錯。
另外，軟殻蟹霜降色仔牛焗螺絲粉($85)，呢度大部分焗類可以由飯轉去意粉或螺絲粉，我就叫咗螺絲粉。軟殻蟹炸得金黃香脆，有肉地有咬口。牛柳粒好重肉汁之餘有咬勁，而且又厚又大舊，份量唔少，好有驚喜。
仲叫咗份廣島蠔（兩隻芝士兩隻蒜蓉），個蠔上枱好驚喜，好肥厚、大隻，食落好鮮好juicy，蒜蓉味好香，而芝士味更見出色，因為芝士份量既多、拉絲力又強，食完仲好返尋味，推薦！
張貼
