越興苑越南美食菜館

營業中

休息中

由於鍾意越南野,所以又再幫襯,不過今次要左個菠蘿炒飯($45)同埋雞絲湯檬($30)...菠蘿炒飯話係特價,都幾夠份量,可以兩個人share再叫小食果隻,飯炒乾身,菠蘿唔係好多,但係都算ok,起碼唔係少囉!同埋炒得唔油,食完唔會好膩,都幾好!至於個雞絲湯檬,就比想像中差,似乎好似凍食會好一點,雞絲幾raw,連埋一些肥膏,令湯有一點點雞油,所謂雞絲,似雞多d...不過個粉算滑口,檬粉比雞肉好!晚市送一人一碗南瓜西米什麼糖水,可能因為我本身唔太好南瓜,所以唔覺得好食...以呢度既環境,格局同食物質素,價錢算係稍貴。