Baker Talent

營業中

休息中

經過門口見到葡撻同芝士撻唔係好貴，所以入去望下，順便買埋第2日麵包做早餐。特濃芝士撻 $6個人建議焗熱返黎食會正好多，芝士撻熱辣辣食好香，而且有流心效果。葡式蛋撻 $5店鋪寫住有108層酥皮，雖然我無數過，但食落係幾酥脆，重蛋香味，一d都唔稀。榴槤菠蘿包 $15一打開個膠袋，榴槤味即刻湧出黎。由於我唔食榴槤，係屋企人好鐘意食所以買左一個，佢地話入面個餡有榴槤肉，榴槤香味濃，加上外面既菠蘿皮好脆。菠蘿包 $7.5菠蘿皮好脆，切開唔會散哂，麵包亦都算鬆軟。奶黃包 $9.5奶黃幾香，有d似吉士味，而且幾多餡。有興趣既可以認住個門口啦！