野姜 (已結業)

(8/6/08)為了meet 睇戲時間,和食個early dinner。對著溜冰場,感覺 relax。這一餐試的是,雜誌上看到的漢方枇杷冷讚岐手烏冬。好驚嚇的味道!烏冬汁,真係好似川貝枇杷膏味,嚇得姊姊一定不敢再吃第二口,所以立即叫侍應比一兜普通冷麵豉油,才能繼續吃下去。不過那普通冷麵豉油也是淡得無味,連冷麵豉油都要溝稀,很過份。而烏冬質地少許煙韌,其實好似未熟透。刺身方面,三文魚有$58/4片或$58/5片的東京直送智利三文魚,我地選左五片的,肉質太腍,都係平平凡凡的好味d。山葵帶子漬$28,份子得「豆腐潤」咁少,肉質又係得個差字!吉列咖哩南瓜餅,完全沒有咖哩味,雖然夠脆口,皮卻頗厚,炸得較為過火了。帶子蛋白石頭飯,超油!!睇得出是炒好了,立刻放在石頭碗裡,那稱得上是石頭飯嗎?唯一好是帶子夠鮮甜,that's it。