影片
更多
2008-02-14
31 瀏覽
** 此食肆的第二個OK **8-2-2008(Fri年初二)去外婆家拜年後,有一盒’戰利品’,就係美心蛋糕曲奇禮盒.賣相好靚,有四款曲奇同兩款蛋糕.10-2-2008(Sun 年初四)o係屯門打完羽毛球返到屋企,有啲餓,於是先試吓果子朱古力蛋糕,(我o係朱古力方面,向來都唔多鍾意食朱古力蛋糕同雪糕,因覺得呢兩樣o既朱古力味太俗,唔知呢隻又會唔會令我改觀呢?)一哎落去,有我唔鍾意食o既提子乾,蛋糕又實實的,唔鬆軟o既,而且差啲食唔出朱古力粒,要特登挑粒朱古力粒出o黎食,咁就OK喎,唔太甜.不過食成件就覺得唔好食囉.味道: 2分到夜晚口痕,於是再試傳統杏仁條,一層一層有又鬆又脆o既口感,有著濃郁o既牛油羶香,又唔太甜.呢個水準仍在.味道: 4分12-2-2008(Tue年初六)朝早,又試吓果子牛油蛋糕先.一咬落去,原來係好熟悉o既味道同口惑,內裡有好多果皮,果仁等,口感煙韌,但味道我係接受唔到,覺得唔好食.味道: 2分放工返到屋企,又急不及待試大大件o既葉酥.咬落,好重牛油味,有糖粒o個面口感實實的,底就淰淰地,口感特別.而面o既糖粒都唔係好甜.味道: 3.5分13-2-2008(Wed
8-2-2008(Fri年初二)去外婆家拜年後,有一盒’戰利品’,就係美心蛋糕曲奇禮盒.賣相好靚,有四款曲奇同兩款蛋糕.
10-2-2008(Sun 年初四)o係屯門打完羽毛球返到屋企,有啲餓,於是先試吓果子朱古力蛋糕,(我o係朱古力方面,向來都唔多鍾意食朱古力蛋糕同雪糕,因覺得呢兩樣o既朱古力味太俗,唔知呢隻又會唔會令我改觀呢?)一哎落去,有我唔鍾意食o既提子乾,蛋糕又實實的,唔鬆軟o既,而且差啲食唔出朱古力粒,要特登挑粒朱古力粒出o黎食,咁就OK喎,唔太甜.不過食成件就覺得唔好食囉.
味道: 2分
到夜晚口痕,於是再試傳統杏仁條,一層一層有又鬆又脆o既口感,有著濃郁o既牛油羶香,又唔太甜.呢個水準仍在.
味道: 4分
12-2-2008(Tue年初六)朝早,又試吓果子牛油蛋糕先.一咬落去,原來係好熟悉o既味道同口惑,內裡有好多果皮,果仁等,口感煙韌,但味道我係接受唔到,覺得唔好食.
味道: 2分
放工返到屋企,又急不及待試大大件o既葉酥.咬落,好重牛油味,有糖粒o個面口感實實的,底就淰淰地,口感特別.而面o既糖粒都唔係好甜.
味道: 3.5分
13-2-2008(Wed人日)試朱古力杏仁條,朱古力味濃到俗,幸好面上有杏仁塊中和小小,但媽食o左第一啖就話難食.個人覺得唔係咁好食.
味道: 2.5分
然後再試埋果仁曲奇
牛油味－牛油味唔濃,面上兩粒合桃,一粒杏仁,配搭不過不失.
味道: 2.5分
朱古力味－曲奇好怪,換上兩粒腰果,腰果都唔脆,少少腍,整體唔係咁好食.
味道:1.5分
見另一個食評話用一張餅咭加$20.00就換到一盒,覺得都係唔多抵食,好彩我呢盒係免費.
張貼
