醉忘魚屋 (已結業)

銅鑼灣呢個咁繁忙嘅彈丸之地，lunch time想搵個坐得舒服又唔貴嘅地方好好地食返餐都唔係咁容易。係登龍街就有一間樓上居酒屋醉忘魚屋🐟環境闊落，木系裝修、漁船擺設、酒櫃等俾人感覺都幾雅緻😎A la carte有好多精緻嘅壽司、刺身、小食、串燒等居酒屋菜式，而午市套餐就幾抵食🤑$90幾蚊起就有沙律、煎蛋、前菜、主食，好豐富🤰🏻沙律、蒸蛋、先付3品每個lunch set都有五款前菜，豐富又精緻🤩蒸蛋好滑，食到清甜嘅湯汁、菇菌同蟹肉🦀另外有彈牙唔韌嘅八爪魚、好creamy嘅海膽豆腐，以及酸酸咪咪好開胃嘅山藥海藻😗😗廚師發辦十貫壽司盛有赤身、左口魚邊、北寄貝、真鯛、魷魚、油甘魚、梭子魚、金目鯛、牡丹蝦、三文魚🍣好多都係喺omakase會見到比較高級嘅魚生😍😍左口魚邊炙燒過幾香；魷魚同牡丹蝦帶點黏口；油甘魚、金目鯛、赤身等都係軟滑鮮甜，每款都夠新鮮，唔錯😋日式咖喱雞唐揚Lunch set除咗壽司、刺身盛之外，都有幾款熱食🔥咖喱係香甜唔辣嘅經典日式口味，大人細路都啱😝雞肉用唐揚做法嚟整，炸皮薄脆，啖啖肉。味噌湯、烏冬壽司set會配以烏冬暖下胃，咖喱飯則配以味噌湯，好飽足。人均消費：$200推介指