Potato Corner

營業中

休息中

今日同男朋友經過尖沙咀，突然醒起可以去試吓好多人提過嘅菲律賓薯條，就去咗一賞佢嘅滋味啦。可能熱潮過去左，我哋見到店舖都冇咩人排隊，入面更加只係得一個員工喺度炸薯條。我哋叫咗兩款味道，分別係芝士同埋奶油洋蔥。佢嘅份量都唔少，裝到個桶滿曬，幾均真不過個味道就唔算話超級驚喜，奶油洋蔥個味其實同品客薯片嘅洋蔥味差唔多，不過就比佢再酸少少，芝士味更加exactly 同芝士波嘅味係一樣嘅。不過我哋兩個都好鍾意食薯條，所以呢兩樣味道放落薯條度夾，識落幾過癮。啲薯條因為係即炸嘅關係所以好爽脆，如果可以再熱啲咁就好啦不過準確來講，作為小食黎講係唔錯既，我下次都會想試吓其他嘅味道，希望更加會有驚喜啦。