影片
更多
2019-01-29
118 瀏覽
收工忽然想到去西環老居揾下新野食，於是上網睇睇有冇新發現，揾到尼間L’attitude cafe有D造型幾得意既飲料同甜品，加埋佢地既主食都幾大份下，老婆睇完都話有興趣，於是決定黎幫襯一下順便打卡。黎港島西比起以往確實方便得多，除左有地鐵之外，繁忙時間還有特快巴士直達，以後唔一定再局限去尖沙嘴或銅鑼灣區了。Cafe位置在西環最旺之卑路乍街中很容易便找到，舖面空間不算特別寬敞，但近大門位置設有一排倚窗high chair，內裡亦有部份長櫈劃為梳化位。甫進店內會感受到一份濃厚既少女風情懷，隨處都不難發現造型可愛既公仔擺設(兔子叫Tokki及熊仔叫Remi)與及咕𠱸，頭上的燈飾仲係一團團既浮雲，最岩成班女仔聚腳飮下野同傾計既地方。若果眼利的朋友更會發現到水吧近咖啡機旁有一對長長既啡色熊仔大耳朵，行近一點睇原來正正是Remi的大figure，別緻得帶點兒萌氣。食物方面基本上有cafe常見既意粉、Risotto或者burger系列之選擇，我地點左明太子炸軟殼蟹忌廉汁意大利麵，另一個主食為烤牛肉burger，最緊要係點返杯藍柑奶昔特飮呃下like。用上完整一隻軟殻蟹既明太子意粉，蟹身即炸來得乾身份
黎港島西比起以往確實方便得多，除左有地鐵之外，繁忙時間還有特快巴士直達，以後唔一定再局限去尖沙嘴或銅鑼灣區了。Cafe位置在西環最旺之卑路乍街中很容易便找到，舖面空間不算特別寬敞，但近大門位置設有一排倚窗high chair，內裡亦有部份長櫈劃為梳化位。
甫進店內會感受到一份濃厚既少女風情懷，隨處都不難發現造型可愛既公仔擺設(兔子叫Tokki及熊仔叫Remi)與及咕𠱸，頭上的燈飾仲係一團團既浮雲，最岩成班女仔聚腳飮下野同傾計既地方。
若果眼利的朋友更會發現到水吧近咖啡機旁有一對長長既啡色熊仔大耳朵，行近一點睇原來正正是Remi的大figure，別緻得帶點兒萌氣。食物方面基本上有cafe常見既意粉、Risotto或者burger系列之選擇，我地點左明太子炸軟殼蟹忌廉汁意大利麵，另一個主食為烤牛肉burger，最緊要係點返杯藍柑奶昔特飮呃下like。
用上完整一隻軟殻蟹既明太子意粉，蟹身即炸來得乾身份外鬆脆，食起來依然脹卜卜，咬開蟹身滲出輕身油香之餘感覺亦溫口。至於意大利麵條吸收左明太子獨有既海洋氣息，卻又跟往常吃落帶辣既感覺截然不同，我想廚房在加入忌廉份量得宜令調配出來既味覺更佳，每口意粉都能掛汁兼具彈滑之感。
軟殻蟹既明太子意粉
3 瀏覽
0 讚好
0 留言
足足有兩吋厚既Burger亦相當霸氣，大大幅烤牛肉配搭芝士蕃茄蔬菜元素夾雜其中，輕力落刀切開完全感覺到肉層既粉紅鲜嫩，趁熱咬一口俾到你Juicy既爆汁效果，伴碟還有惹味既炸薯條，吃畢都飽肚了。
Texas BBQ beef burger
2 瀏覽
0 讚好
0 留言
藍柑奶昔
8 瀏覽
0 讚好
0 留言
主食過後我地另點一個甜品題為夢幻熱氣球，熱氣球主要由啡色籃兜、繩索及球狀帳篷三者結合而成。店方同樣以棉花糖製作而成，口味配搭上換入了士多啤梨，置於3根粉紅色士多啤梨味既百力滋上恰似繩索一樣跟杯子內的朱古力雪糕結合成熱氣球既造型，名乎其實頗具心思。
夢幻熱氣球
9 瀏覽
0 讚好
0 留言
張貼
