萬丸燒肉 (已結業)

銅鑼灣廣場不嬲美食林立，今日就嚟咗「萬丸燒肉」，舖頭之前係主打高級日本燒肉單點，但而家想親民啲轉咗做放題，但肉嘅質素同以前一樣，所以超級抵食🤩今次叫咗極上燒肉放題，牛豬雞鴨任君選擇，我會話啲牛真心靚貨，雪花分明，牛質地嫩滑😚牛以外雞最正，雞頸肉同爽滑雞腿肉非常鮮，肉質爽，又夠juicy👍🏻肉類以外折海鮮都係高水準，帆立貝鮮甜，青口都彈牙，虎蝦又夠大隻，魷魚仔又爽彈，食到好滿足☺️另外叫咗鹹香十足嘅雞軟骨、Q糯嘅日本年糕、香甜嘅紫薯、香蒜雜菇等等，滋味滿溢😋飲品選擇都OK多，基本款汽水、烏龍茶、芒果汁嗰啲都有齊晒😎值得讚嘅係上菜速度好快，而且卡位好闊落，設計係日式木質風，啱晒一班朋友嚟聚會🎉