Ikigai Concepts (已結業)

這間位於荃灣的日本餐廳，環境很大，而且分有幾個不同的區域，有lounge、omakase、燒物等，而且餐廳亦有清酒機，可以給客人品嚐不同味道的清酒!今次就跟朋友來到這裡吃他們的晚市套餐，可以試齊他們有的串燒、壽司、熱食等!和風柚子水牛芝士沙律，沙律菜拌入柚子醋，味道酸酸味味，加上仲有車厘茄和水牛芝士粒，十分開胃！三文魚籽鮑魚天使麵，天使麵拌入沙律醬，上面有片片磯燒鮑魚，而且仲有大量三文魚籽，都幾特別！壽司5貫，壽司包括有赤身、左口裙邊、甘海老、真鯛和深海池魚！刺身都好新鮮，壽司的大小剛剛好，食完又不會太飽！清酒煮蜆，一大開蓋已經聞到好香的清酒味，蜆肉脹卜卜又鮮甜！炭燒免治雞肉棒、炭燒紫蘇牛油蝦、炭燒冬菇，雞肉棒內有軟骨，面頭塗上燒汁，口感不錯！蝦肉上面灑有紫蘇葉，食落有紫蘇的香味，蝦肉爽口彈牙！冬菇大粒而且鮮甜，食落仲好juicy，上面灑有木魚絲，味道更正！美國肉眼稻庭烏冬，烏冬口感煙韌，湯底清甜，肉眼是生牛肉，浸湯後半生熟，口感鬆軟！甜品，甜品是雲尼拿雪糕，食完熱辣辣的烏冬再食好正呀！