影片
更多
2022-09-07
1255 瀏覽
剛剛同老公去屯門虹橋探朋友，走嗰陣都6點了，所以喺嗰頭搵嘢食，經過見到呢間pillow talk, 好似萬綠叢中一點紅咁，睇下餐牌，啱食喎，試下先。環境方面：門口整得靚，尤其喺舊區嘅襯托下，真係吸引嘅，入到去有高枱卡位、矮卡位揀，我哋就㨂咗高卡位。另外，地方乾淨，有wifi👍服務方面：職員妹妹好有禮貌，有耐性，我老公好多嘢問，妹妹都耐性回答，執枱亦都好快😍食物方面：巴拿馬火腿沙律配義大利黑醋，菜新鮮，火腿不太鹹，醋開胃，我覺得唔錯👍雞軟骨串，正常，無乜特別。德國豬手，呢個好正，首先唔會太鹹，啲皮雖然唔脆，但好易咬，夾住啲脂肪，一啲都唔膩，好出色，必點😍👍方式燒春雞配薯角，個燒春雞係去咗骨，好方便食，醃料好香又入味，有肉汁，感覺好似新鮮雞咁，我都列佢為必點系列😂其實佢仲有Pasta 同飯選擇，但係由於我晚餐唔食炭水，所以無試，下次lunch time 嚟試下。總結：2個人食500蚊，價錢合理嘅，因為食物質素的確高嘅，不過我哋都笨咗，其實可以加錢轉做set, 有沙律／湯，加杯飲品，不過唔緊要，呢間對我嚟講又近，質素又高，下次再嚟食過
環境方面：
門口整得靚，尤其喺舊區嘅襯托下，真係吸引嘅，入到去有高枱卡位、矮卡位揀，我哋就㨂咗高卡位。另外，地方乾淨，有wifi👍
服務方面：
職員妹妹好有禮貌，有耐性，我老公好多嘢問，妹妹都耐性回答，執枱亦都好快😍
食物方面：
巴拿馬火腿沙律配義大利黑醋，菜新鮮，火腿不太鹹，醋開胃，我覺得唔錯👍
雞軟骨串，正常，無乜特別。
德國豬手，呢個好正，首先唔會太鹹，啲皮雖然唔脆，但好易咬，夾住啲脂肪，一啲都唔膩，好出色，必點😍👍
方式燒春雞配薯角，個燒春雞係去咗骨，好方便食，醃料好香又入味，有肉汁，感覺好似新鮮雞咁，我都列佢為必點系列😂
其實佢仲有Pasta 同飯選擇，但係由於我晚餐唔食炭水，所以無試，下次lunch time 嚟試下。
總結：
2個人食500蚊，價錢合理嘅，因為食物質素的確高嘅，不過我哋都笨咗，其實可以加錢轉做set, 有沙律／湯，加杯飲品，不過唔緊要，呢間對我嚟講又近，質素又高，下次再嚟食過
張貼
