影片
更多
2018-04-18
67 瀏覽
大埔區內食肆愈開愈多，要在競爭中殺出血路真的不容易，呢間泰國菜都可算是吐氣揚眉啦， 幾乎晚晚爆棚，絕不誇大。淨係飲品已經夠曬架勢啦……呢杯脆爆芒果園，簡直係King size ,足足夠兩人飲用,上面的一層有雪米糍,爆谷同芒果粒,中間一層有好多cream ,最底一層就係芒果汁, 好有層次,好豐富,仲好香芒果味，簡直係甜到漏！另一杯飲品， 迷紅小象，雖然冇咁有架勢，但係有好香濃嘅士多啤梨味，好清甜!前菜青木瓜沙律，份量都好大盤，比較少見 ，製作同一般泰國菜館的木瓜沙律差不多， 望落好似有啲辣，但係食落就一啲都唔辣，而且木瓜絲切得好幼細，食落口都好爽脆。泰北生菜包，呢個就真係非常辣啦，唔食得辣嘅朋友記得要叫小辣呀，雖然係辣，不過就好惹味，而且生菜片都有好多，唔會好似其他泰國菜館咁成日生菜都唔夠食。馬拉盞炒椰菜苗， 78蚊有咁嘅份量都算超值啦，因為平時椰菜苗都幾貴下，而且要條條都咁新鮮真係比較少有， 呢碟椰菜苗炒得相當出色，可以話係色香味俱全，下次再嚟都一定會再叫呢一碟菜。鮮蝦炒金邊粉，賣相都整得幾靚 ，裏面嘅材料都好豐富，金邊粉炒得好香口，每條金邊粉都好乾脆俐落，唔會槳住一舊舊，都可算係一道
淨係飲品已經夠曬架勢啦……
呢杯脆爆芒果園，簡直係King size ,足足夠兩人飲用,上面的一層有雪米糍,爆谷同芒果粒,中間一層有好多cream ,最底一層就係芒果汁, 好有層次,好豐富,仲好香芒果味，簡直係甜到漏！
另一杯飲品， 迷紅小象，雖然冇咁有架勢，但係有好香濃嘅士多啤梨味，好清甜!
前菜青木瓜沙律，份量都好大盤，比較少見 ，製作同一般泰國菜館的木瓜沙律差不多， 望落好似有啲辣，但係食落就一啲都唔辣，而且木瓜絲切得好幼細，食落口都好爽脆。
泰北生菜包，呢個就真係非常辣啦，唔食得辣嘅朋友記得要叫小辣呀，雖然係辣，不過就好惹味，而且生菜片都有好多，唔會好似其他泰國菜館咁成日生菜都唔夠食。
馬拉盞炒椰菜苗， 78蚊有咁嘅份量都算超值啦，因為平時椰菜苗都幾貴下，而且要條條都咁新鮮真係比較少有， 呢碟椰菜苗炒得相當出色，可以話係色香味俱全，下次再嚟都一定會再叫呢一碟菜。
鮮蝦炒金邊粉，賣相都整得幾靚 ，裏面嘅材料都好豐富，金邊粉炒得好香口，每條金邊粉都好乾脆俐落，唔會槳住一舊舊，都可算係一道功夫才菜。
四款菜加埋兩杯特色飲品都只係四百幾蚊，依家又好又抵食的泰國菜真係好少見啦 ，所以呢間餐廳真係可以話係良心僱主，值得再幫親!
張貼
