影片
更多
2017-10-16
2848 瀏覽
好多次喺尖沙咀晚飯完都行過黎viatokyo望望，想食埋甜品先番屋企，但等位嘅人都多，只好買雪糕筒拎走，堂食沒有我的份兒。是日喺附近食完韓國野，仲係好空虛，未見飽肚，加上時間尚早，終於成功食到了。黎到嘅時候都有一大班人等緊位，不過我見係等大枱，所以最終等左十分鐘左右就入座。尖沙咀店比起銅鑼灣已經多啲位，當然都稱唔上係闊落。佢地嘅雪糕出名就係人都知，特別係抹茶控相信都試過。餐牌供應雪糕為主，有抹茶、牛乳、焙茶，仲有重新回歸嘅皇室奶茶味，另外仲有沙冰、抹茶卷、抹茶蛋糕、飲品等。設最低消費，每人要惠顧一款甜品/飲品。我記得之前都食過佢地嘅草莓牛奶沙冰，嗰陣印象都唔係話特別好但點解我今次都係食冰呢，全因為見到有人分享過黑芝麻沙冰，好想食好耐。為滿足低消，本來打算再點一份穩陣嘅抹茶雪糕，起碼試過，亦都鐘意佢地嘅抹茶、焙茶雪糕。但見到餐牌上有兩款萬聖節限定嘅甜品，供應至31/10，包括係刨冰同芭菲，一見到限定，我同忍唔住喇，刨冰嘅圖片好可愛，所以掙扎完都係點左冰品。一向都鐘意食冰品，任務不難完成，味道還可以，可是賣相太強差人意。如果講到冰，都係花錢喺銅鑼灣嘅氷屋比較划算。而且每人點一份沙冰，人均已
是日喺附近食完韓國野，仲係好空虛，未見飽肚，加上時間尚早，終於成功食到了。黎到嘅時候都有一大班人等緊位，不過我見係等大枱，所以最終等左十分鐘左右就入座。
尖沙咀店比起銅鑼灣已經多啲位，當然都稱唔上係闊落。佢地嘅雪糕出名就係人都知，特別係抹茶控相信都試過。餐牌供應雪糕為主，有抹茶、牛乳、焙茶，仲有重新回歸嘅皇室奶茶味，另外仲有沙冰、抹茶卷、抹茶蛋糕、飲品等。設最低消費，每人要惠顧一款甜品/飲品。
我記得之前都食過佢地嘅草莓牛奶沙冰，嗰陣印象都唔係話特別好但點解我今次都係食冰呢，全因為見到有人分享過黑芝麻沙冰，好想食好耐。為滿足低消，本來打算再點一份穩陣嘅抹茶雪糕，起碼試過，亦都鐘意佢地嘅抹茶、焙茶雪糕。
但見到餐牌上有兩款萬聖節限定嘅甜品，供應至31/10，包括係刨冰同芭菲，一見到限定，我同忍唔住喇，刨冰嘅圖片好可愛，所以掙扎完都係點左冰品。一向都鐘意食冰品，任務不難完成，味道還可以，可是賣相太強差人意。如果講到冰，都係花錢喺銅鑼灣嘅氷屋比較划算。
而且每人點一份沙冰，人均已經80幾蚊，性價比唔高，用黎食多杯雪糕仲抵啲
黑芝麻沙冰 $80
餐牌上文字顯示沙冰係80蚊嘅黑芝麻沙冰，但圖片顯示嘅係$85嘅黑芝麻忌廉沙冰，上面有一督黑芝麻忌廉，個人認為有多少令人誤會
一係就兩幅圖show哂，一係就顯示對的圖片。當實物黎到，我見唔到面頭嘅忌廉，都有少少失望，而且唔算砌得好靚。
黑芝麻沙冰賣相都幾型，黑色的醬，即係芝麻糊物體淋左喺沙冰上。沙冰嘅size比氷屋來得細，但印象中已經比上次喺度食嘅草莓牛奶冰大少少。
芝麻醬嘅味道其實幾濃郁，唔算稠身，甜度可接受。但主要係淋喺面，裡面唔夠醬，亦冇提供煉奶俾我地，所以食淨大半碗冇味嘅冰
沙冰嘅質地唔係滑溜，打得唔係好碎，冰感重，唔會食得特別舒服。食到中心會有少量紅豆同兩粒白玉，冇乜特別。
南瓜刨冰 $85
令人無言的南瓜刨冰，因為圖片睇起上黎係比較可愛，冰唔多，但目測醬嘅份量係覆蓋整個冰。所謂圖片只供參考我都理解，不過唔想接受，如果我去旺中俾三、四十蚊就話啫…實物嘅冰多，但醬好少，完全冇澎湃嘅感覺（如果食過氷屋會知道講的是什麼）。
重點係店員係漏左唧上焦糖醬，所以一上枱只有一督黃色醬，賣相零分期後店員補番焦糖醬俾我地，自己淋番喺面頭。
個人不特別喜好南瓜，但食落都同刨冰冇乜違和感，南瓜蓉稠身，口感仲有少少纖維感，鹹鹹地，加入焦糖醬，其實味道係唔錯，亦都唔膩。
中心有少量脆餅，有啲似樂家杏仁糖裡面嘅拖肥。但80幾蚊個冰黎講，份量唔夠大方。好在呢款有附上一少杯奶，食到冇味可以加少少。
整體黎講，還是食番雪糕、抹茶或者其他甜品比較穩陣。
張貼
