漫花燈火OMG (已結業)

呢間餐廳一直都有留意見到好多人介紹😍今日終於同朋友仔黎打卡食飯😋餐廳設計以萬花筒為主題，四處都係打卡位🤩色彩繽紛🌈仿如置身於夢幻嘅藝術空間，而食物賣相同樣相當精緻。✦自家製鰹魚南瓜濃湯濃郁嘅南瓜湯帶有鰹魚嘅鮮甜，旁邊更有法國奶油甜包 外脆內軟，蘸埋湯一齊食更加滋味😋✦黑松露芝士焗墨西哥辣椒薯條重量級嘅黑松露醬同芝士，黑松露味道濃厚，每一條薯條都好香脆，份量足夠4人食，非常邪惡😂✦油封法國鴨腿伴自家製芝士薯蓉及蜜糖紅菜頭金黃色嘅鴨腿在高溫下油封，令到外皮酥脆，內𥚃則保留嫩滑口感。肉質厚身飽滿，鴨味香濃，油脂分布均勻，入口鮮嫩。✦黃金蟹肉黑橄欖醬意大利粉 鮮味嘅蟹肉同黑橄欖醬濃郁惹味，意大利粉麵質爽口彈牙，而且每一條麵條好掛汁，每一啖都食到新鮮嘅蟹肉。✦OMG 5C 🟥車厘茄及山楂🟧香橙及白桃🟨菠蘿及荔枝🟩青提子及青蘋果🟪火龍果及紅桑子色彩繽紛🌈打卡飲品🤩新鮮水果榨汁，每一杯口味不同，睇見都超開心～✦菠蘿荔枝沙冰🍧甜度剛剛好，大熱天時用嚟解渴降溫爽，味道酸酸甜甜可解食物油膩感。