漫花燈火OMG (已結業)

呢間位於土瓜灣一個比較偏滿隱蔽嘅地方，卻偏偏訂座到滿晒，真係唔係咁容易有位，我哋預早咗訂位，一行三人去慶祝生日，門口好神秘嘅黑布睇唔到餐廳入面嘅環境，當打開黑布之後，恍如置身萬花筒一樣，一面面嘅鏡子，營造出萬花筒嘅鑽石感，在沿鑽石通道行入去，見到五彩繽紛，華麗十色既佈置，直程嘆為觀止食物都係咁精緻夢幻，黑魚子麵包蟹意大利飯，啲意大利飯口感鬆軟有咬勁，好似忌廉一樣，再配上淡淡香濃蟹汁味，齒頰留香，不過份量偏少黃金蟹肉黑橄欖醬意大利粉，面質細軟，風味醇厚，非常開胃醒神，不過蟹肉得好少，上面啲金箔都係得一塊仔，我哋都唔知點分，甜品我哋原本想試黑盒子之謎，但已經賣晒啦，原來呢度啲甜品都好搶手，真係要一早諗定啊，我哋後尾點咗個蛋糕慶祝生日，雖然細細個但係都好好食佢哋仲會送一個生日小頭飾俾壽星，我哋都玩得好開心，雖然價錢偏高，份量偏少，但都係一間好值得去嘅打卡餐廳，留低咗好多珍貴同美麗嘅照片，係一個好好嘅回憶